De Gemaskerde Borse Zanger

Bèste kiekers, bèste sjponzoore, bèste vastelaovesvrunj,

WAT . WAOR . HET . FANTASTIES ! ! !

Aafgeloupe zaoterdig, ózze eerste interaktieve digitale oetzènding , woo-in het raoje van en sjtömme op de gemaskerde Borse zanger centraal sjtong. En dat raoje en sjtömme höb g’r nao hartelös gedaon! Mèr leefs 250 aanmèljinge om mit te kieke hauwe v’r veuraaf ontvange, en in bienao ál die hoeskamers zaoge v’r enthousjaste luuj in beeld. Bienoa 200 luuj sjtömde elke rûnj weer fanatiek mit. Dat beteikent mèr ein dènk: de vastelaovend laef in Bor! Wat höb g’r ’t gemis……en wat höbbe v’r uch gemis!!

Nao ein sjpannende sjtrijd tösje de zös deilnummers, g’r höb het allemaol kènne zeen, kaom neemes minder es Michael Schwarzer oet het kostuum van de hondj teveursjien en waor het fiès kompleet!

Via deze mail wille veer jederein dae zien sjteinke haet biegedraage aan het suksès van deze aovend oet de grondj van ós (vastelaoves)hart bedanke! V’r organiezeere dit veur uch, en oeteindelik zeet geer door mit te doon en ós te sjteune diegene die wat v’r doon tot ein sukses maake. Eine dikke DANKJEWEL!

Zelf geneete v’r nog ummer nao van de sjieke momente, en dat gunne v’r jederein. Es g’r de oetzending nog ‘nne keer wilt truukkieke dan kènt dat via ós YouTube-kanaal: https://youtu.be/1jGyY3bVklA.

Gaer maake v’r van de gelaegenheid gebroek om uch alvas te wieze op ós volgende online aktieviteit: zaoterdig 5 fibberwarie vanaaf 20.11u brènge veer uch in saamewirking mèt de Borse Revuu Groep wederom eine aovend vol sjpel, sjpanning, sjpas en sjpektakel! Sjrief ‘m uch in de agenda, en hauwt ózze socials in de gaate veur de sjtart van de aanmèljinge.

Es g’r noe dènk “u doet fantastisch werk, heel heel veel dank daarvoor”, dan verwelkomme v’r uch (es g’r dat nog neet al zeet) gaer es lid van ózze vereniging! Veur € 7,50 per jaor óngersjteund g’r ós neet allein, mèr krig g’r auch elk jaor de pin oetgereik. Interesse? Sjtuur ein meeltje nao leden@bessemebenjers.nl en het wurd geregeld!

Blief gezondj, en tot gauw allemaol!!

Hartelijke groete,

Team Bessem TV

VV De Bessemebènjers Bor

Vergelijkbare berichten

Geef een reactie

Het e-mailadres wordt niet gepubliceerd. Vereiste velden zijn gemarkeerd met *